Yan panel bloqu
Yazı Tarixi
September,
19
2023
İsti yay günlərində məkanlarda sərinlik və işıqlandırma ehtiyacının eyni anda qarşılanması baxımından sərinkeşli çilçıraqlar idealdır. Bu unikal cihaz hava axını və işıq səviyyəsini dəyişməklə yanaşı fərqli dizayn çeşidləri ilə məkanlara ecazkar görüntü də bəxş edir.
Evinizə uyğun sərinkeşli çilçıraqlar
Sərinkeşli çilçıraq alarkən onun harada istifadə olunacağı, ölçüləri, otağın hündürlüyü, əşyaların yerləşmə vəziyyəti nəzərə alınmalıdır. Sahəsi 25 m²-dən kiçik otaqlar üçün 100 sm, 25-35 m²-lik otaqlar üçün 120 sm, 35 m²-dən çox otaqlar üçün isə 120 sm-dən böyük pərli çilçıraqlar daha uyğundur. Təhlükəsizlik baxımından otağın tavan yüksəkliyi minimum 2.5 m olmalıdır. Sərinkeşin pərləri ilə tavan arasında 50 sm-lik məsafə saxlanılmalıdır.
Enerji istehlakı və işləmə mexanizmini dəyərləndirin
Sərinkeşli çilçırağın materialı, enerji istehlakı, işləmə mexanizmi, qapalı və ya açıq məkanlarda istifadəyə uyğun olub-olmaması da önəmlidir. Satışda plastik, taxta və şüşəyə bənzər materialda pərlərə sahib sərinkeşli çilçıraqlar var. Davamlılıq baxımından plastik və taxta pərli çeşidlər daha məsləhətlidir.
Cihazda istifadə ediləcək lampa çeşidlərini dəyərləndirməkdə də fayda var. Bu cür çilçıraqlar üçün LED, floresan,halogen lampalar seçilə bilər. Lakin seçim zamanı lampadakı və çilçıraqdakı güc sərfiyyatına mütləq baxılmalıdır. İstifadə rahatlığına görə ipli, uzaqdan idarəli və ya elektrik açarı ilə işə salınan sərinkeşli çilçıraqlardan hər hansı biri seçilə bilər. İşləmə mexaniziminə görə seçim sizə bağlıdır.
Xeyirli alış-verişlər!
