Yan panel bloqu
Yazı Tarixi
August,
25
2022
Böyük, geniş, zövqlə dizayn edilmiş, mükəmməl işıqlandırma sisteminə malik bağça istirahət və şənliklərin təşkili üçün ideal məkandır. Doğru seçilmiş işıqlandırma vasitələri ilə bağçanızı, həyətinizi olduğundan da gözəl hala gətirə bilərsiniz.
Bağça üçün işıqlandırma cihazı alarkən diqqət edilməli
Bağça üçün nəzərdə tutulan işıqlandırma vasitələri təhlükəsiz, estetik və enerji qənaətli olmalıdır. Enerjiyə qənaət üçün hərəkətə həssas, sensorlu plafonlar, LED lampalar, günəş enerjisi ilə işləyən aydınlatmalar seçilə bilər. Bağça üçün işıqlandırma vasitələri alarkən cihazların IP nömrələrinə diqqət yetirmək vacibdir. IP nömrələr məhsulun xarici təsirlərə dayanıqlığı haqqında məlumat verir. IP koddakı birinci rəqəm bərk obyektlərə, ikinci rəqəm isə mayeyə qarşı dözümlülüyü göstərir. Əgər bağçanızda yağış, külək və s. kimi xarici amillərin təsirlərindən qoruna bilən işıqlandırma məhsulu almaq niyyətindəsinizsə, IP-si 44 və daha yüksək nömrəli modellər seçməlisiniz.
İşıqlarla estetik görünüş
Bağçanızda estetik görüntü yaratmaq üçün guşələrə uyğun fərqli işıqlandırma modelləri seçin. Evin bağçaya yönələn pilləkan kənarlarına gizli LED işıqlar çəkilə bilər. Gül-çiçək əkilmiş ərazini bəlli aralıqlarda yerləşdirilmiş dirəkli işıqlandırma lampaları ilə aydınlatmaq olar. Lakin bu zaman cihazın dirək hündürlüyünün çiçəklərin boyunu keçməməsinə diqqət yetirmək lazımdır. Ağacları sarı, yaşıl işıq yayan spotlarla işıqlandırmaq olar. Bu üsul bağçanıza xüsusi bir şuxluq qatacaq. Daşlarla bəzədilmiş gəzinti yolunun sağına və soluna isə bərabər aralıqlarda fənərlər yerləşdirə bilərsiniz.
