Evinizə yaraşacaq divar kağızları

Rəng və dizaynı ilə fərq yaradan, ən son modalı divar kağızları ilə evinizdə, ofisinizdə gözoxşayan, fərqli bir aləm yarada bilərsiniz. Bunun üçün əsas şərtlərdən biri məhsulun məkana uyğun seçilməsidir. Ümid edirik ki, bu yazımızdakı məlumatlar divar kağızı alarkən sizə kömək edəcək.

Eviniz üçün ən uyğun divar kağızı hansıdır?
Divar kağızı alarkən onun rənginin, naxışlarının, materialının otağın təyinatına, sahəsinə, əşyalara uyğun olması diqqət yetirin. (“SEELA”, “PAPRO” brendinin hər zövqə və məkana uyğun divar kağızları istifadə edilə bilər)
Rənglə bağlı qərar verərkən divar kağızının harada istifadə ediləcəyi, həmçinin məkandakı əşyaların rəngi də nəzərə alınmalıdır. Ümumiyyətlə, diqqət çəkici bir dəyişim üçün məkanın interyerinə uyğun, incə bir harmoniya üçün aksesuarla uyğunlaşan, yumşaq bir keçid üçün isə əşyalardakı rəng çalarlarından ən az birini ilə uyğunlaşan divar kağızlarını istifadə etməniz daha məslətlidir. Parlaq bir otaq üçün çəhrayı, açıq mavi, lavanda, yaşıl, bol enerji hissi yaratmaq üçün zəfəran, bej, narıncı, qırmızı,bənövşəyi, sakitlik, rahatlıq hissi bəxş edən mühit yaratmaq üçün yaşıl, boz, bənövşəyi, mavi çalarlı, klassik bəzək və şux görünüş üçün zümrüd yaşılı, bürünc, qızılı çalarlı divar kağızları arasından seçim edə bilərsiniz.

Divar kağızı otağın təyinatına uyğun olmalıdır.
Evdəki otaqlar istifadə imkanlarına görə insan üzərində fərqli təsir imkanlarına malikdir. Məsələn, mətbəx iştaha açan dinamik məkan, yataq otağı gün sonunda yorğunluğumuzu atdığımız sakit bir yerdir. Dəhliz isə evə girərkən zövqümüzlə bağlı ipucu verən bir hissədir. Buna görə də divar kağızı seçimində rənglə yanaşı, ən önəmli şərt onun harada istifadə olunacağıdır.

Mətbəx üçün divar kağızı necə olmalı?
Evin digər otaqları ilə müqayisədə mətbəx daha hərəkətli bir yerdir. Burada sadə və ya həndəsi fiqurlar əvəzinə çiçəkli, mənzərəli, hər yaşa xitab etmək istəyirsinizsə, meyvə və s.təsvirli divar kağızları seçə bilərsiniz. Mətbəx çanağının arxasında keramika görünüşünü bəynirsinizsə, düz, keramika naxışlı divar kağızı istifadə etmək olar.

Qonaq otağı üçün divar kağızı necə olmalı?
Qonaq otağı üçün tez köhnəlməyən, ləkə göstərməyən, teksturalı divar kağızları idealdır. Teksturalı divar kağızı kimi daş, kərpic görünüşlü divar kağızı seçmək olar. Televizorun arxası üçün göz yormayan, naxışsız model seçmək daha məsləhətlidir.

Yataq otağı üçün divar kağızı necə olmalı?
Yataq otağında boz, solğun çəhrayı kimi sakitləşdirici rəng çalarlarına malik divar kağızlarına üstünlük verilə bilər. Çarpayın yerləşdiyi hissəni sevdiyiniz şəhər və yaxud müəyyən bir mənzənin əks olunduğu fotolu divar kağızı ilə bəzəyə bilərsiniz.

Uşaq otağı üçün divar kağızı necə olmalı?
Uşaq otağında sakitləşdirici, diqqət yayındırmayan, açıq rəngli divar kağızları məsləhətlidir. Burada açıq yaşıl, göy, mavi, çəhrayı, solğun sarı kimi rəng çalarına sahib divar kağızlarını istifadə edə bilərsiniz. Divarın bir hissəsini uşağın yaşına və zövqünə əsasən cizgi filmi personajlı divar kağızı ilə də bəzəmək olar. Uşaq otağı üçün divar kağızı seçərkən onun antibakterial xüsusiyyətlərə malik olmasına xüsusi diqqət yetirilməlidir. 

Divar kağızı alarkən otağın sahəsini, işıq alma vəziyyətini də nəzər almaq vacibdir. Işıq düşməyən məkanlarda açıq, bol işıqlı yerlərdə isə tünd rəngli divar kağızlarının seçimi məqsədəuyğundur. Sahəsi kiçik otaqlarda genişlik effekti yaratmaq üçün üfüqi, tavanın hündür görünməsi üçün isə şaquli naxışlı divar kağızlarından istifadə edin.

DİQQƏT! Evini özün dizayn edə bilərsən. www.design.omid.az keçid et. Seçdiyin divar kağızının vizual görünüşü ilə tanış ol.