Yan panel bloqu
Yazı Tarixi
September,
21
2022
Divar kağızlarının ömrü materialından, keyfiyyətindən, qulluq qaydalarından asılı olaraq orta hesabla 5-10 ildir. İstifadə müddətini başa vurmuş divar kağızları divarların nəfəs almasını əngəlləyir, məkanların estetik görünüşünü pozur. Bəzən isə divar kağızında naxışlar yorucu olur. Bu zaman divar kağızlarının dəyişdirilməsinə ehtiyac yaranır.
Köhnə divar kağızı necə sökülməli?
Söküntü işinə başlamazdan öncə otaqdakı əşyaları çıxarın və ya onları bir yerə yığıb üzərini su keçirməyən örtüklə örtün. Köhnə divar kağızını səthdən qoparmaq üçün kimyəvi divar kağızı təmizləyicisindən istifadə etmək olar. Sirkəli su, sabun və ya yuyucu tozla hazırlanmış su ilə də divar kağızını sökmək mümkündür. Suyun ilıq olmasına diqqət yetirin. İlıq su kağızların tez və asan yumşalmasına imkan yaradır. Divar kağızının üzərində dəliklər, kəsiklər açın. Bu üsul suyun divar kağızının aralıqlarına dolmasını asanlaşdırır. Su tətbiqindən öncə elektrik açarı və elektrik yuvarlarının üzərini bağlayın. Daha sonra hazırlanmış mayeni rulo vasitəsilə divara çəkin. Divar kağızı yaxşı islanıbsa, şpatel vasitsilə səthdən sıyırın. Bu prosesi icra edərkən islaq divar kağızı tam qurumasın deyə qapı və pəncərlərin bağlı qalması tövsiyə olunur.
Divar kağızı çıxarıldıqdan sonra səthə boya çəkilməlidir. Boya və təmir işlərini özünüz və yaxud ustaya həvalə edə bilərsiniz.
