Qonaq otağı üçün boya rəngləri

Qonaq otağı ev sakinlərinin zövqünü, həyat tərzini, enerjisini yansıdan səssiz vizit kartıdır. Bu vizit kartın dili, əlbəttə ki, rənglərdir. Rənglər yalnız divarları deyil, məkana daxil olan hər kəsin əhvali-ruhiyyəsini dəyişmək gücünə qadirdir. Sakitləşdirici, enerjili, yoxsa zərif rəng çalarları? Hansı rəng qonaq otağınıza daha uyğundur? Qərar verməkdə çətinlik çəkirsinizsə, bu yazımız sizin üçündür.

Qonaq otağınız üçün doğru rəng harmoniyasını tapmaq, məkanınızı həm rahat, həm də zövqlü göstərmək üçün bloqumuzu sonadək oxuyun.

Boya rəngi seçərkən bunlara diqqət edin

Boya rəngi seçərkən qonaq otağının sahəsi, işığın düşmə bucağı, əşyaların rəngi nəzərə alınmalıdır. 

• Əgər otağa işıq az düşürsə, divarları açıq rəngdə boya ilə rəngləmək məqsədəuyğundur. Bu, həm divarlara yansıyan təbii işığın parlaqlıq effektini artırmağa, həm də  məkanı daha geniş, aydın göstərməyə imkan yaradacaq. FAB rəng kataloqundan mavi, bej, boz rəng çalarları arasından seçim edə bilərsiniz. FABMATİK və FABUNİVERSAL rəngləndiriciləri ilə istədiyiniz rəngdə boyanı mağaza daxilində 5 dəqiqəyə hazırlamaq mümkündür.

• Otaqdakı əşyaların, aksesuarların rəngi ilə divarların rənginin ahəngdar olmasına diqqət yetirin. Unutmayın ki, fərqli, bir-birinə zidd rənglər sıxıcı, gözyorucu təsir bağışlayır. Otaqdakı ümumi rəng sayı 6-dan çox olmamalıdır.  Bunların üçü eyni rəng ailəsindən, ikisi yan rənglər, digər biri isə ana rənglərlə kontrast yaradacaq çalarda olmalıdır. 

Şəxsi seçimlər

Bəzən şəxsi seçimlər qeyd edilən bütün nüanslara üstün gələ bilər. Belə ki, enerjini,əhvali-ruhiyyəni yüksəltmək istəyənlər sarı, narıncı, qırmızı, çəhrayı rəng çalarları arasından seçim edə bilərlər. Qonaq otağında eleqant görüntünü, zəriflik və incəlik hissini yansıtmaq istəyənlər isə ağ rəngə üstünlük verə bilərlər. 

Hansı boyanı istifadə etməli?

Qonaq otağındakı divarlar üçün yüksək yapışma qabiliyyətinə və örtücülüyə malik, çatlamayan, tökülməyən su əsaslı daxili səth boyaları uyğundur. Boya seçərkən tərkibində insan sağlamlığına zərərli kimyəvi qatqıların olub-olmaması da diqqət yetirəcəyimiz başlıca məqamlardan biridir. FAB brendinin daxili səth boyaları ilə (FABSİL, FAB PLUS, FAB SUPER PLUS, FAB PLASTİK, MEGASİL, MEGAPLUS) qonaq otağınızda istədiyiniz abu-havanı rahatlıqla yarada bilər, büdcənizə və vaxtınıza qənaət edə bilərsiniz.