Yan panel bloqu
Yazı Tarixi
July,
11
2022
Sprey boya ilə boyama işi asan, sürətli, həm də əyləncəlidir. Digər boya növlərindən fərqli olaraq onu incəltmək üçün həlledici ölçüsünü tənzimləməyə, doğru rulo, fırça seçmək kimi zaman və əmək sərf etdirici məqamlara ehtiyac yoxdur. Lakin sprey boya ilə boyamada nəticənin ürəkaçan olması üçün bəzi məqalara diqqət etmək vacibdir.
Tətbiq zamanı bunlara diqqət edin
Hazırda satışda fərqli növdə sprey boya olsa da, bir çoxunun tətbiqi, quruma müddəti eynidir. Sprey boya tətbiqindən öncə səth toz, kir, yağ və pasdan təmizlənməlidir. Ehtiyac varsa, səthə astar çəkilməlidir. Tətbiqdən öncə boya qabını 2-3 dəqiqə çalxalayın ki, homogen rəng alınsın. Boyanı 20-25 sm-lik məsafədən səthə püskürdün. Səthlə boya arasında məsafə çox olarsa, boya itkisi, az olarsa, boya axması baş verə bilər. Spray boyaların quruma müddəti, adətən 10-15 dəqiqə olur. Lakin boyanın qurumasından tam əmin deyilsinizsə, yarım saat gözləmək məsləhətlidir. Sprey boyaların tərkibindəki bəzi maddələr kəskin qoxu yaydığından açıq havada və ya yaxşı havalandırılmış məkanlarda istifadəsi tövsiyə olunur. Əgər qapalı məkanlarda istifadə ediləcəksə, maska taxmaq lazımdır.
Sprey boya haralarda istifadə edilə bilər?
Yaxşı nəticə üçün səthə uyğun sprey boya seçimi vacibdir. Məsələn, metal səthlərdə pas qorumalı və sellülozik spreyin istifadəsi uyğundur. Ev şəraitində boyama işi üçün ən uyğun sprey boya akrilik tərkibli olanlardır. Geniş istifadə sahəsinə malik akrilik sprey boyalar ilə taxta, plastik, metal, beton və s. kimi səthləri rahatlıqla boyamaq mümkündür. ( Dukes sprey boyalarını istifadə edə bilərsiniz.)
