Yan panel bloqu
Yazı Tarixi
September,
19
2025
Xarici səth boyaları günəşin ultrabənövşəyi şüalarına, yağışa, qara, küləyə, havanın çirklənməsinə və digər açıq hava şəraitinə yüksək müqavimət göstərmək üçün nəzərdə tutulub. Bu boyaların əsas məqsədi səthləri fiziki və kimyəvi təsirlərdən qorumaq və daha uzunömürlü, davamlı olmasını təmin etməkdir. Fasad boyaları seçərkən estetik, gözəl görünüşün yanında təbiət hadisələrinə qarşı dözümlü boya seçimi etmək əsas amillərdəndir. Daxili səth boyaları ilə müqayisədə xarici səth boyaları peşəkarlıq tələb edir.
Doğru boya tətbiqi necə olmalıdır?
Boyanın tətbiqi zamanı səth düzgün hazırlanmalı və boyanı da təlimatlara uyğun formada tətbiq etmək lazımdır. Tətbiq mala ilə aparılmalıdır. Xarici səthlərdə boya tətbiqi aralığı 2-3 saatdır. Yağışlı hava şəraitində isə yağışdan 6-7 saat əvvəl tətbiq edilməlidir. Yağışdan sonra isə boya tətbiq etmək üçün azı 1 gün gözləmək lazımdır. Boyanı tətbiq edərkən yaş səthlərə boyanı tətbiq etməməyə diqqət etmək lazımdır. Yaş zəmində boya tətbiq edərkən həmin boya yaxşı yapışmır və bir müddət sonra isə şişir. Fasad boyaları tətbiqdən təxminən 1 həftə sonra istifadəyə yararlı olur. Buna görə də boyaların tətbiqi zamanı yağış riski olmayan və havanın temperaturunun yüksək olduğu günləri seçmək lazımdır.
Boyaların tərkibi:
Fasad boyalar tərkibinə görə müxtəlif cür olur; Su əsaslı, silikon əsaslı, dənəcikli və s. Bunların da hər birinin özünəməxsus özəllikləri var. Silikon əsaslı boyalar kiri üzərində daha az saxlayır və onu dəf edə bilmə özəlliyinə sahibdir. Dənəcikli boyalar isə istifadəçinin zövqünə uyğun, istədiyi şəkildə estetik görünüş yarada bilir.
Fasad boyaları seçərkən aşağıdakı özəlliklərə də fikir verməlisiniz:
1. Rütubətə müqavimət
2. Hər cür hava şəraitinə dözümlülük
3. Rəng sabitliyi
4. Çirk və ləkələrə qarşı mühafizə
5. Ətraf mühitə qarşı zərərsiz olması
6. Asan tətbiq edilə bilməsi
