Yan panel bloqu
Yazı Tarixi
September,
06
2022
Hamam dolabları hamam otaqlarının əvəzolunmaz elementlərindən sayılır. Bu əşya müxtəlif təmizlik vasitələrinin saxlanılması, qorunması ilə yanaşı yığcamlığa, şux görüntüyə də imkan yaradır. Hamam dolabı seçərkən istifadə rahatlılığına, materialına, ölçülərinə, məkanın dizaynın uyğunluğuna diqqət yetirmək vacibdir.
Dəbli, çoxməqsədli, əşyalarınızı nizamlı şəkildə yerləşdirə biləcəyiniz hamam dolabı almaq istəyirsinizsə, həm siyirmələri, həm də rəfləri olan modellər arasından seçim etməniz məsləhətlidir. Hamam otağınız kiçikdirsə,uzun və incə, yaxud asma hamam dolablarına üstünlük verə bilərsiniz. Altında şkaf olan əlüzyuyan şəklində dolablar da kiçik hamam otaqları üçün idealdır. Güzgüsü arxasında gizli bir dolaba sahib modellər yerə qənaət etmək baxımından əlverişlidir.
Hamam dolabının materialı
Nəzərə alınmalı digər vacib məqam hamam dolabının hansı materialdan hazırlandığıdır. Münasib qiymətə aldığınız məhsul suya və nəmədavamlı olmaya bilər. MDF və DSP-dən hazırlanan hamam dolabları suya və nəmə dayanıqlıdır. Əgər hamam otağınız kiçikdirsə, nəm və buxarın təsirlərinə dayanıqlı olan plastik və portativ (daşına bilən) modellər arasından seçim etməyiniz daha məsləhətlidir.
Hamam dolabının rəngi
Sadə rənglər su ləkələrini göstərmir və buna görə də tez-tez təmizlik tələb etmir. Bu baxımdan ağ və ya krem rəngli hamam dolabları daha əlverişlidir. Əgər seçiminiz başqa rənglər üzərindən olacaqsa, estetik görünüş baxımından hamam dolabının rənginin kafelin rəngi ilə uyğunlaşmasına diqqət yetirin. Müasir dizaynlı hamam otaqları üçün açıq rəng çalarlarında xüsusi dizayn işi mebellər seçilə bilər.
