Ayaqlı sərinkeş isti yay günlərində qapalı məkanlarda hava axınının tənzimlənməsinə imkan yaradan ən yaxı vasitələrdəndir. Bu məişət əşyası fırlanan pərləri sayəsində otağın havasını sirkulyasiya etdirir, sərinlik ehtiyacını qarşılayır. Ayaqlı sərinkeşin fərqli rejimlərdə və gücdə işləyən növləri var.
Ayaqlı sərinkeş alarkən nələrə diqqət edilməli?
Ayaqlı sərinkeş alarkən ilk növbədə onun harada istifadə ediləcəyi, dizaynı, enerji sərfiyyatı, tənzimlənə bilən olması və s. nəzərə alınmalıdır.
İstifadə rahatlığı baxımından ayaqlı sərinkeşin dizaynının məkana uyğunluğu, yüksəklik səviyyəsinin tənzimlənə bilməsi şərtdir. Əgər evdə azyaşlı uşaq və heyvanlar varsa, bölümlü ayaqlar yerinə dairəvi modelləri seçməniz daha məsləhətlidir. Sərinkeşin boyunun (hündürlüyünü) istəyə uyğun tənzimlənməsi də cihazın üstün göstəricilərindən sayılır. Pərlərin yerləşdiyi başlıq hissənin diametri də önəmlidir. Bu hissənin genişliyi sərin hava axının daha uzaq məsafəyə yayılmasına imkan yaradır. Pərlər nə qədər sürətli fırlanarsa, ayaqlı sərinkeş də o qədər otağı sərinlədər. Pərlərin dəqiqə ərzində fırlanma sürəti RPM ilə göstərilir. Ev şəraitində istifadə üçün 1300 – 1400 RPM-lik çeşidlər idealdır.
Səssiz, sərin məkanlarda olmaq istəyirsinizsə, seçim zamanı cihazın işlək vəziyyətdə çıxardığı səs gücünə diqqət yetirin. Bəzi ayaqlı sərinkeşlərin səs səviyyəsi 50 desibeldir. Bu məqbul görünsə də, cihaz uzun müddət çalışdıqda yorucu ola bilir. Ona görə də rahatlıq üçün 35 desibel səs səviyyəli modellər daha uyğundur.
Dayanıqlı, enerji sərfiyyatı az, yüngül modellərlə üstünlük verin
Ayaqlı sərinkeşlər,adətən, plastik, dəmir və alüminium pərlərə malikdirlər. Dəmir hər nə qədər dayanıqlı olsa da cihazı ağırlaşdırır. Paslana bildiyindən rütubətli məkanlarda istifadəsi məsləhət görülmür. Alüminium pərli ayaqlı sərinkeşlər isə uzunömürlü sayılsa da, plastiklə müqayisədə ağır olduğundan motorun daha güclü işləməsinə səbəb olur. Bu da enerji sərfiyyatını artırır. Seçiminiz ev şəraitində istifadə yönündə olacaqsa, dayanıqlı, enerji sərfiyyatı az, yüngül modellərlə üstünlük verməyiniz daha məsləhətlidir.
