Nəyə görə alçı suvağı?

Müasir dövrdə sement suvaqlardan daha çox alçı suvaqlara üstünlük verilir. Çünki alçının istifadəsi rahatdır, yanğınadavamıldır, otaq havasını təravətləndirir, divarlar nəfəs alır, kökündə nəm, bakteriya saxlamır, səs izolyasiyası xüsusiyyətinə malikdir və ekoloji təmizdir. Bütün bu sadalananları siz düzgün alçı markası seçməklə əldə edə bilərsiniz.

Alçı suvağı zamanı istifadə olunan əsas material və alətlər bunlardır:

1. Mayak,
2. Künc,
3. Mastar profilləri,
4. Müxtəlif malalar,
5. Qulpu uzun fırça,
6. Alçını hazırlamaq üçün plastik ləyən
7. Mikser.

Tək astar alçı suvağın vurulma qaydası

İlk olaraq divardan, betondan çıxan metal artıqlar laqonda ilə kəsilir. Suvağın səthə yapışmasına əngəl olan maddələr (yağ, toz və.s) fırça ilə təmizlənir. Quruluğu aradan qaldırmaq üçün divar isladılır. Tozları aradan qaldırmaq üçün isə divarı binderləyirik.(“FABBİNDER” istifadə oluna bilər.) Əgər səth qəlibdən çıxan beton kimi hamardırsa, onu nahamar etməkdən ötrü baltalamaq və ya bu kimi köhnə metodlardan istifadə etməyə ehtiyac yoxdur. Səth ilə suvaq arasında ikitərəfli kontakt yaradan “FABKONTAKT” məhsulundan istifadə edə bilərsiniz. “FABKONTAKT” suvaq vurulmazdan ən az 24 saat əvvəl səthə çəkilməlidir.

Divardakı böyük ölçülü deşiklər əvvəlcədən doldurulur. Divardakı əyriliklərin ölçüsünə görə ana mayaklar yerləşdirilir. Mayak profilləri 60 sm-dən 2 m-ə qədər aralıqlarla qoyula bilər. Ara məsafəsi nə qədər az olarsa işləmək bir o qədər asanlaşar. Ana mayak profillər qoyulduqdan sonra su tərəzisi ilə düzlüyü yoxlanılır.

Künclərin isti havalarda qırılmaması, düz və dəqiq olması üçün xüsusi künc profili yerləşdirilməlidir. (HILL FAN PVC künc profili istifadə oluna bilər.) Müxtəlif materialların birləşdiyi və hərəkətə məruz qala biləcək yerlərə plastik “suvaq toru” (suvaq filesi) vurulur. Divarda üzdə olan metal səthlər varsa, TƏK ASTAR suvağı vurulmazdan əvvəl həmin səthlərə antipas çəkilməlidir.Hazırlanan tək astar (BEYAZ ALÇI TƏK ASTAR istifadə edə bilərsiz) suvağını plastik mala vasitəsi ilə divara tətbiq edirik. Mastar profillə suvağı iki mayak profil arasında aşağıdan yuxarıya doğru çəkirik. Suvaq bərkidikdən sonra ana mayak profilini çıxardıb yerini doldururuq.

Tək astar suvağının vurulma mərhələsi bitdikdən 24 saat sonra əgər ehtiyac yaranarsa, astar, (BEYAZ ALÇI ASTAR) qarışığından istifadə edilməlidir. Əvvəlki mərhələdən təxminən 24 saat sonra üzlük (BEYAZ ALÇI ÜZLÜK) hazırlanıb səthə çəkilir. Üzlük qarışığı səthə 0,5 – 1,0 mm qalınlığında çəkilərək qüsursuz səth əldə edilir. Sonda divarlar binderlənərək (FAB BİNDER) boya və ya divar kağızı üçün hazır vəziyyətə gətirilir.