Yan panel bloqu
Yazı Tarixi
January,
02
2025
Müxtəlif təmir işləri üçün fərqli təyinatda yapışdırıcılardan istifadə olunur. Hər yapışdırıcı aid olduğu qrup üzrə müəyyən xüsusiyyətlərə sahibdir. Bu baxımdan yapışdırıcı alarkən və tətbiq edərkən bəzi məqamlara diqqət yetirmək vacibdir.
Yapışdırıcını qoxulamayın!
Yapışdırıcılar müxtəlif kimyəvi qatqılardan hazırlanır. Tətbiq zamanı məhsulun ətrafa yaydığı uçucu qazlar səhhətinizdə rahatsızlıq yarada bilər. Buna görə də yapışdırıcı istifadə edərkən məkan yaxşı havalandırılmalı, ara məsafəsinə diqqət yetirilməli, tənəffüs probleminiz varsa, maska taxılmalıdır.
İstifadə qaydalarını oxumadan tətbiq etməyin!
Yapışdırma işində yol verilən səhvlərin başında yapışdırıcının istifadə qaydalarını oxumadan tətbiq etmək dayanır. Yapışdırıcı nə qədər keyfiyyətli olursa olsun, doğru tətbiq edilməzsə, işə yaramayacaq. Bu baxımdan qutunun üzərindəki tətbiq mərhələlərini, yapışdırıcının son istifadə tarixini oxumaq vacibdir.
Soyuqda yapışdırma işi etməyin!
Yapışdırıcıların böyük bir qismi soyuq məkanlarda yapışmanı təmin etmir. Soyuq havada yapışdırıcı gec quruya və ya səthə yapışmaya bilər. Buna görə də, xüsusilə qış aylarında yapışdırma işi edərkən məkanda uyğun istiliyi təmin etmək lazımdır.
Normadan çox yapışdırıcı istifadə etməyin!
Səthə çox miqdarda yapışdırıcı tökmək güclü yapışmanı təmin etmir. Bəzi yapışdırıcılar incə bir quruluşa sahib olduğundan nazik təbəqə şəklində səthə yayılmalıdır. Normadan çox yapışdırıcı tətbiqi quruma müddətinin uzanmasına, daşan yapışdırıcının təmizlənməsini çətinləşdirə bilər.
İşiniz asan olsun!
