Masa lampası alarkən diqqət edilməli məqamlar

Evdə, ofisdə müəyyən işlərin icrası zamanı işıqlandırmanı təmin etmək məqsədilə masa lampalarından istifadə edilir. Səliqəli bir masa, ideal işıq səviyyəsi görülən işin səmərəliliyini artımağa imkan verir. Yataq otağında qoyulan stolüstü lampa yuxu öncəsi mütaliə, iş otağındakı masa lampası isə iş və dərs tapşırıqlarının icrası üçün ideal işıqlı mühit yaradır.

Masa lampası alarkən nələrə diqqət yetirilməli?

Masa lampası alarkən məkana uyğunluğu, hərəkət etdirilən, işıq parlaqlığının tənzimlənə bilməsi nəzərə alınmalıdır. Ətrafa istilik yayan masa lampaları gözləri yormaqla yanaşı, motivasiyanı da aşağı salır. Seçim edərkən 90 dərəcə deyil, 180 dərəcəlik bucaq altında işıq yayan masaüstü işıqlandırma cihazlarına üstünlük verilə bilər. Əgər cihazı şüşə masa üzərinə yerləşdirəcəksinizsə, yansıma nəticəsində işığın parlayacağını unutmayın və cihazın lampa hissəsini 30 dərəcəlik bucaq altında yönləndirin. Bu zaman baxış sahənizə aşırı parlaqlıq və istilik yayılmaz.

Lampa seçiminin önəmi

Bu cür cihazlar üçün lampa seçimi olduqca önəmlidir. Sərt bəyaz işıq gözlərin yorulmasına, sarı işıq isə rahatladıcı təsir göstərdiyindən iş səmərəliliyinin aşağı düşməsinə səbəb olur. Buna görə də işləyərkən göz sağlamlığı və məhsuldarlıq üçün yumşaq ağ işıq yayan lampalar daha məqsədəuyğundur. İşığın rəng temperaturu kelvinlə ölçülür. Evlərdəki masa lampaları adətən 2700- 3000 K, ofislərdə istifadə olunanlar isə 3000-3500 K arasındadır. 2200– 3000 K isti ağ, 3500 K neytral, 4100 – 5500 K soyuq ağ, 5600–6500 K arası gün işığı hesab olunur.

Masa lampası neçə vatt olmalı?

Masaüstü işıqlandırma cihazları üçün lampa seçərkən məkanın hansı məqsədlə işıqlandırılacağı nəzərə alınmalıdır.

Xüsusilə iş otaqlarında ideal işıqlandırma ehtiyacını qarşılamaq üçün LED lampa çeşidləri arasından seçim edə bilərsiniz. LED lampalar enerjiyə qənaət edir, 85% daha uzunömürlü və etibarlıdır.

Masaüstü işıqlandırma cihazları üçün LED lampa neçə vatt gücündə olmalı?

• Əgər mütaliə edəcəksinizsə, qəzet, jurnal, dərs və s. oxuyacaqsınızsa, masaüstü işıqlandırma cihazı üçün 6 vattlıq LED lampa kifayətdir.
• Görəcəyiniz işdə dəqiqlik, ən kiçik detalların aydın görünməsi önəmlidirsə, 8-9 vattlıq LED lampa istifadəsi daha uyğundur.