Divar boyamadan öncə bunları edin
Evinizin divarlarını ustaya həvalə etsəniz belə boya tətbiqi ilə bağlı məlumatlı olmağınızda fayda var. “Həmin məlumatlar nələrdir?” deyirsinizsə, bu yazımızı sona qədər oxuyun. Boya tətbiqinə başlamazadan öncə aşağıdakılara diqqət etmək lazımdır.
Divarları quru havalarda rəngləyin
Boyama işini qapalı məkanda etsəniz belə havanın rütubətli, yağışlı olmamasına diqqət yetirin. Çünki havası quru məkanlarda çəkilən boya yaxşı nəticə verir. Belə ki, bu cür havalarda boyadakı piqmentlər, mikro zərrəciklər səthə daha yaxşı nüfuz edir. Boya daha tez quruyur, daha hamar olur.
İşə başlamazdan öncə hazırlığınız olsun
Boyama işinə başlamazdan öncə səth hazır vəziyyətə gətirilməlidir. Divarda çat və boşluqlar varsa, doldurulmalı, nahamar hissələr sumbata kağızı ilə cilalanmalı, ləkə, çirk, toz təmizlənməlidir. Döşəmənin boya ilə batmaması üçün örtük çəkilməlidir.
Boya və alət seçiminə həssas yanaşın
Onsuz da bir dəfə istifadə edəcəyəm deyib keyfiyyətsiz fırça, rulo almaq yanlış düşüncədir. Unutmayın ki, aşağı keyfiyyətli rəngsaz alətləri boya tətbiqində də keyfiyyəti aşağı salır. Keyfiyyətli məhsullar həm vaxtınıza qənaət etməyə, həm də nəticənin ürəkaçan olmasına imkan yaradır. (İşini asanlaşdıracaq rəngsaz alətləri üçün linkə keçid et. https://l24.im/92Vs )
Astar istifadə edin
Səthi boyamaya hazırladıqdan sonra ən az bir qat astar çəkin. Astar boyanın dalğalı görünməsinin və yarana biləcək istənməyən izləri ən aza endirməyə imkan yaradır. (Astar kimi FABBİNDER istifadə edilə bilər.)
Rəng seçimini otaqlara görə edin.
Rəng seçərkən otağın sahəsini, işıqlılıq səviyyəsini, təyinatını (mətbəx, qonaq, yataq otağı və s.) nəzərə alın. Məsələn, az işıq düşən otaqlarda tünd rənglərin istifadəsi məkanı daha da qaranlıq göstərəcəyindən tövsiyə edilmir. FAB rəngləndiriciləri arasından uyğun olanını seçə bilərsən. https://l24.im/L3cpdGg
