Bitkiləriniz üçün ideal dibçək
Otaq bitkilərinin yaxşı boy atması, uzunömürlü olması onların hansı şəraitdə yetişdirilməsi ilə də bağlıdır. Hazırda satışda müxtəlif dizaynda, materialda, formada dibçəklər var. Bəzən çeşidlilik bitki üçün doğru dibçəyi seçməkdə çətinlik yarada bilir. Keramika, gil, taxta, həsir, plastik materiallı dibçəklər var. Bu qablar arasında seçim edərkən bəzi nüanslara diqqət etmək lazımdır.
Bitkinizə uyğun dibçək seçin
Dibçək alarkən bitkinin növü, quruluşu, böyümə sürəti nəzərə alınmalıdır. Məsələn, orxideya gülü şəffaf, bənövşə gülü üçün isə geniş və çox dərin olmayan qablar uyğundur. Bitkini ölçüsündən təxminən 1-1.5 dəfə böyük qaba əkmək məsləhətdir.
Təlabata uyğun materialda dibçək alın
Plastik dibçəklər torpaqda nəmi uzun müddət saxlaya bilir. Saxsı dibçəklərdə isə bitkinin suyu daha tez buxarlanır. Buna görə də saxsı qaba əkilmiş bitkiləri tez-tez sulamaq lazımdır. Əgər dibçəyi sadəcə dekorasiya məqsədilə istifadə edəcəksinizsə, istənilən materialda dibçəyi seçə bilərsiniz.
Dibçəyin keyfiyyətinə önəm verin
Tez qırılan və deformasiyaya uğrayan qablar torpağının nəfəs almasına və bitki köklərinin zədələnməsinə səbəb olur. Məsələn, ətirşah bitkisi günəşli mühiti sevir. Uzunmüddətli günəş şüalarının təsirinə dayanıqsız, keyfiyyətsiz dibçəyin istifadəsi bel’ bitkinin köklərini zədələnməyə başlayır və nəticədə onun inkişafı pozulur.
Dibçəyin dəlikli olmasına diqqət yetirin
Dibçəyin alt hissəsi dəlikli olmalıdır. Bu özəllik bitkinin kökünün hava almasına, sulama zamanı artıq suyun kənara atılmasına imkan yaradır. Dəlik olmadıqda torpaqdakı su zamanla bitkinin kökünü çürüdür. Dəlikli dibçəklərdə artıq suyun səthə zərər verməməsi üçün boşqabın olmasına diqqət edin.
Məkanın interyerinə uyğun dibçək seçin
Məkanınızın interyerinə uyğun model seçin. Dibçəyin haraya yerləşdiriləcəyini, otağın və əşyaların rəngini nəzərə alın.
Dibçək çeşidlərimiz üçün linkə keçid et. https://l24.im/7Is2d
