Təmir işlərində ən yaxşı köməkçi - Drel
Drel istər professional təmir, istərsə də dizayn və həvəskar işlərdə dəlmə, vintləmə prosesini sürətli icra etməyə imkan yaradan əl alətidir. İstifadəsi hər nə qədər sadə və asan görülsə də, o həssas əl alətləri sırasına daxildir. Hər bir məhsulda olduğu kimi drellərin də fərqli funksiya və istifadə sahələrinə uyğun növləri var.
Hansı drel növləri var?
Drellər təyinatına və texniki göstəricilərinə görə zərbəli, zərbəsiz, batareyalı (akkumlyatorlu) və kabelli olmaqla 4 yerə bölünür.
Zərbəli drel: Beton və divar kimi sərt səthlərdə istifadə edilir. Yüksək səslə işləyir. Bəzi modelləri bir az ağırdır.
Zərbəsiz drel: Taxta, metal, plastik kimi nisbətən yumşaq səthlərdə dəliklərin açılması və genişləndirilməsi üçün idealdır. Təmir, hobbi və müxtəlif usta işlərində bu cür drelləri seçə bilərsiniz.
Kabelli drel: İşləmək üçün yüksək elektirk enerjisi tələb edən drellər bu kateqoriyaya aiddir.
Batareyalı (akkumulyatorlu) drel: Bu cür drelləri elektrik enerjisinə ehtiyac duymadan istədiyiniz yerdə rahat işlədə bilərsiniz.
Drel alarkən bu texniki göstəricilərə diqqət yetirin
Bəzən ehtiyacınıza uyğun drel seçimi görəcəyiniz işdə effektiv nəticənin alınması üçün yetərli olmaya bilər. Buna görə də seçim zamanı cihazın bəzi texniki xüsusiyyətlərinə diqqət yetirmək vacibdir.
Volt: Batareyalı (akkumulyatorlu) drellərdə cihazın gücü voltla ölçülür. Volt nə qədər yüksəkdirsə, dəlmə gücü də bir o qədər yüksək olur. Ev işlərində istifadə üçün 10 voltluq batareyalı (akkumlyatorlu) drel kifayətdir.
Vatt: Kabelli drellərdə bu güc vatt ilə göstərilir. Ev işlərində istifadə üçün 500-800 W arasında seçim etmək olar. Əgər cilalama işləri də görüləcəksə, 900 Vt-dan yuxarı məhsullara üstünlük verilə bilər.
Amper: Batareyalı (akkumlyatorlu) dreldəki batareyanın ömrü amperlə göstərilir. Amper dəyəri nə qədər yüksək olarsa, yükləmədən sonra dəlmə işini də bir o qədər uzun müddətdə icra edə bilərsiniz.
Fırlanma sürəti: Dəqiqədə 1300 dövrə vura bilən drellər ev işlərində istifadə üçün uyğundur. Ağac və metal kimi səthlərdə dəlmə, burğu işləri görüləcəksə, 3800 dövrəli cihazlara üstünlük verilməsi məsləhətlidir.
Patron tipi: Açarlı və açarsız olmaqla iki növü var. Açarlı modellərdə burğunu (sverlonu) dəyişdirmək üçün açar lazımdır. Açar yoxdursa, drel ucluğunu dəyişmək mümkün deyil. Açarsız drel çeşidlərində isə ucluğu dəyişmək üçün heç bir açara ehtiyacınız yoxdur. Buna görə də, açarsız modellərin daha praktik olduğu bir həqiqətdir.
İstəyinizə uyğun drel çeşidləri üçün linkə keçid edə bilərsiniz. https://omid.az/catalog/dreller/
