Aspirator seçərkən bunları bilmək vacibdir

11.07.2022

Mətbəx yemək hazırlamağı və bişirilmiş təamları dadmağı sevənlərin məkanıdır. Bu baxımdan burada keçirilən hər anın komfortlu, gigeyenik olması vacibdir. Lakin bəzən yemək qoxuları, buxar mətbəxdə keçirilən vaxtın əlverişliliyinə əngəl yaradır. Bunu aradan qaldırmaq üçün mətbəxinizə uyğun aspiratorun quraşdırılması vacibdir. Aspirator qaz halında olan maddələri udmaq və boru vasitəsilə qapalı məkandan çıxarmaq üçün nəzərdə tutulan mühərrikli təmizləmə sistemidir.

Mətbəxdə aspirator istifadəsinin üstünlükləri nələrdir?

Mətbəxinizdə aspirator olmadığı təqdirdə yemək qoxuları uzun müddət getməz və qoxu evinizin digər otaqlarına da yayılıb əşyalara, paltarlara çökə bilər. Bu məişət texnikası yemək hazırlayarkən yaranan nəmin, buxarın mətbəx mebellərinə zərər vurmasının, arzuolunmaz qoxuların mətbəxə və digər otaqlara yayılmasının qarşısını alır.

Aspirator seçərkən nələrə diqqət edilməli?

Aspirator alarkən sobanın ölçüləri nəzərə alınmalıdır. Soba 60 sm genişliyindədirsə, aspiratorun ölçüsü 70-90 sm olmalıdır. Aspiratorun işləmə gücü mətbəxinizin sahəsinə uyğun olmalıdır.

Aspiratorun işləmə gücünü müəyyənləşdirmək üçün otağın ümumi sahəsini (m2 -ni) hündürlüyünə vurub alınan rəqəmi 12-yə vurmaq lazımdır

Məhsulun dizaynı, rəngi, materialı, növü haqqında qərarı mətbəxin interyerinə uyğun verin. Əgər mətbəxinizdəki havanın çölə atılması üçün baca varsa, bu zaman bacalı, yoxdursa karbon filtrli aspirator almağınız daha məqsədəuyğundur. Digər meyarlardan biri də cihazın səs səviyyəsi ilə bağlıdır. Mətbəxdə daha çox vaxt keçirirsinizsə, bir müddət sonra cihazın işlək vəziyyətdə çıxatdığı səs sizi narahat edə bilər. Ona görə də seçim edərkən aspiratorun səs səviyyəsinin 50 desibeldən aşağı olmasına diqqət yetirin.

Aspirator istifadə edərkən diqqət edilməsi vacib məqamlar:

• Aspiratorla elektrikli soba və bişirmə panelləri arasındakı məsafə 65 sm, həm qaz, həm də elektriklə işləyən ocaq növlərində isə 75 sm-dan çox olmamalıdır.
• Alovlanma yarada biləcək yeməkləri aspiratorlu sobalarda bişirməyin.
• Aspiratorun filtrlərini təmiz saxlayın.
• Təmizlik işləri apararkən cihazı elektrik şəbəkəsindən ayırın.

Mətbəxinizə uyğun aspirator üçün https://l24.im/G3NCx linkinə keçid et.