Silikon tətbiqində bunları bilmək vacibdir
Silikon mükəmməl bir yapışdırıcı və izolyasiya məhsuludur. Qapalı məkanlarda, evlərdə, müxtəlif tipli tikililərdə pəncərə kənarlarında, hamam otağı, mətbəxdə, əlüzyuyan, vanna kənarlarında, su ilə təmas edən yerlərdə istifadə edilir. (FAB 200AQ, FAB 200S, FAB 910N, FAB UNİVERSAL SİLİKON məhsulları istifadə oluna bilər)
Silikon çəkmək üçün silikon, silikon tapançası, maket bıçağı (rezak), silikon sökücü və maye sabun lazımdır. Əvvəlcə maket bıçağı ilə silikon qabının uc hissəsi 45 dərəcə bucaq altında kəsilir. İncə uc aparatını kəsilmiş hissəyə bağlayıb silikonu tapançaya yerləşdiririk. Əgər səthdə köhnə silikon varsa, silikon sökücü ilə təmizlənməlidir. Daha sonra səthdəki boşluğun böyüklüyünə əsasən silikon tapançasına xəfif basaraq ara vermədən silikonu həmin boşluğa tökmək lazımdır. Silikonu normadan çox istifadə etmək olmaz. Çünki silikon nə qədər çox olarsa, o qədər boşluqdan kənarlara yayılar. Bu isə səliqəsiz görüntü nəticələnər.
Tətbiq zamanı silikonun düz xətt üzrə çəkilməsinə diqqət yetirmək lazımdır. Əgər silikon düz xətdən kənara daşarsa, barmaq ucuna bir damla maye sabun damladaraq daşan silikon artıqlarını təmizləyə bilərsiniz. Silikon quruması üçün yer nəmlidirsə, 24 saat, nəmli deyilsə, 12 saat gözləmək lazımdır.
