Təmirdə astar və məcun tətbiqinin önəmi
Uzunömürlü və qüsursuz təmir üçün ən vacib şərtlərdən biri üzərində iş görüləcək səthin təmirə yararlı vəziyyətdə olmasıdır. Məsələn, köhnə boya qalıqları, çat və ya boşluqları olan səth üzərinə birbaşa boya tətbiqi gözlənilən nəticənin alınmamasına, estetik görünüşün pozulmasına, təmirin qısa müddət ərzində zərər görməsinə və nəticədə əlavə xərclərə yol açır. Ona görə də təmirə başlamazdan öncə səthin vəziyyəti öyrənilməli, təmirə yararlı hala gətirilməsi üçün uyğun astar və ya məcun tətbiq edilməlidir. Mağazalarımızda təyinat yerinə görə müxtəlif çeşiddə boya astarları var.
Məsələn: “FAB KEÇİD ASTARI” daxili və çöl səthlərdə əsasən sintetik əsaslı boyadan su əsaslı boyaya keçid üçün, örtücü, üzərinə tətbiq ediləcək su əsaslı (emulsiya) boya üçün səth hazırlamaq üçün nəzərdə tutulub. “FAB SİLAN ASTAR” isə ilk dəfə boyanacaq mineral əsaslı, çox əmici və ya əvvəllər boyanmış səthlərin üzərinə tətbiq ediləcək boyalardan öncə istifadə edilir.
Astar tətbiqində məqsəd nədir?
Astarların istifadə məqsədləri aşağıdakılardır:
* Səthi möhkəmlətmək;
* Səthə yaxşı yapışmanı təmin etmək;
* Üzərinə tətbiq ediləcək məhsul üçün təməl yaradaraq təmirin uzunömürlülüyünü təmin etmək;
* Səthin əmicilik gücünü azaldaraq xərclərin azaldılmasını təmin etmək;
* Səthi qoruma altına almaq üçün (məs: korroziyaya qarşı astarlar və s.)
Məcun nədir və nə üçün istifadə edilir?
Məcun səthdəki çatlaq, boşluq və qırışların düzəldilməsi üçün şpatel ilə çəkilən bir məhsul qrupudur. İstifadə ediləcəyi yerlərə görə fərqli çeşidləri var. “OMİD” mağazalarında “FAB” brendinin müxtəlif təyinatlı məcun məhsulları satışdadır. Məsələn, “FAB AKRİLİK MƏCUN” daha əvvəl boyanmış, qabarmış çöl səthlərin təmizlənməsiylə yaranan boşluqların doldurulmasında və mövcud xətaların yox edilməsində, “FAB POLYESTER MƏCUN” dəmir, alüminium, sinklənmiş polad və daha əvvəl boyanmış olan metal səthlərdə yaranan boşluqların doldurulmasında, “FAB TAXTA TƏMİRİ MƏCUNU” isə planka - faner və digər taxta materialların təmiri işləri üçün nəzərdə tutulub.
Yadda saxlamaq lazımdır ki, məcun səthi düzləşdirmək məqsədilə istifadə edilir. Boya yardımçı vasitələri içərisində ən zəif məhsul olduğundan normadan artıq tətbiqi məsləhət görülmür.
Məcunların istifadəsində diqqət yetiriləcək məqamlar bunlardır:
* İncə məcunlar səthə incə qatlar halında bir neçə qat işlənilərək tətbiq edilməlidir.
* Qalın dolğuya ehtiyac olan səthlərdə hazır dolğu məcun tipləri istifadə olunmalıdır.
* Seçiləcək məcun tipi boyanacaq səthin yerləşdiyi mühitə uyğun növdə olmalıdır.
